بعنف وقسوة بتجرحيني
وتحاولي برقة ترجعيني
بكلمه أسفه وباعتذار
ماانت لومره واحده تفهميني
مكنتيش تجرحيني
وتدبحيني باقتدار
لا ياروحي
حتي لو في ايدك حياتي
أو قربك بلسم جروحي
فراقك أفضل اختيار
فاكره لما كنت عندي
حروف ومعاني تتفسر
فاكره لماوصفتك بشعري
حروف جميله تتسطر
يااااااه علي القسوة
تخلي مشاعرناجواناتتكسر
اعتذار هو ايه يعني الاعتذار
انك تجرح
وتدبح
وأنك علي انقاضي تتمخطر
مش عاوز اعتذار
مش محتاج تثبتيلي
انك عايشه جوه نار
وان رغم بعدك
ورغم عندك
لسه مستنيه القرار
لا ياعمري
وحياه غلاوه قلبي عندي
لخلي قلبك
طول ماانت عايشه
عايش طول عمره انتظار
احمد عبد الحق
ليست هناك تعليقات:
إرسال تعليق